Comarca de la Sidra

 La Mancomunidá Comarca de la Sidra presentó esti martes 5 de Mayo dos  actuaciones relacionaes col ámbitu de la promoción de la llingua asturiana y que lleva a cabu a traviés del so Serviciu de  Normalización Llingüística. La primera d,elles yá tien una continuidá de dellos años, y consiste na conmemoración de día de les lletres asturianes col repartu de 4000 lletres de pan per distintos llugares a  lo llargo de tola comarca. La segunda ta dedicada a la promoción del asturianu na primera infancia, pa lo que se reparten una serie de materiales que tienen que ver colos primeros años de vida de los neños.

Repartu de les lletres de pan

El Serviciu de normalización llingüística de Man.Co.Si va proceder, por segundu añu consecutivu, al repartu de 4000 lletres de pan, envueltes en un poema clásicu de la nuestra lliteratura, pa conmemorar el día de les lletres asturianes.

Esta iniciativa entamóla nel añu 2004 l’asociación maliaya “La Compaña del Ronchel”, pal ámbitu del conceyu de Villaviciosa, y desde l,añu pasáu faese cargu d,ella la Mancomunidá, que la estiende a tol ámbitu de la Comarca de la Sidra.

Ye una actuación que cuntó con gran aceptación n’anteriores ediciones y a la que se pretende da-y continuidá, como forma de promoción del día de les lletres asturianes a nivel comarcal, y de revalorización de la nuestra historia lliteraria.

Esti añu, el poema elexíu ye “La riqueza de la lluna”, del escritor Constantino Cabal, que forma parte de la obra l,Alborá de los Malvises/, editada en 1944 y que constituye un referente fundamental de la lliteratura asturiana de posguerra, pola so calidá y la so escepcionalidá nun entornu cultural hostil pa col cultivu lliterariu de la nuestra llingua, polo que se quier face-y tamién un homenaxe a esti autor y a les persones que mantuvieron la tradición lliteraria asturiana nesta época difícil.

Les lletres de pan, envueltes nel poema, repartiranse per escueles, institutos, cases de cultura, ayuntamientos y chigres de los seis conceyos qu’integren la comarca, polo que l, acción tendrá un impactu social apreciable y la nuestra lliteratura tendrá un nivel de difusión nesti día muncho más altu del acostumáu.

Promoción del asturianu na primera infancia, “Medrando n, Asturianu”

Cola intención de facer presente la llingua asturiana desde los primeros años de vida de los neños y concienciar a los padres de la importancia del so llabor pa la conservación del nuestru patrimoniu llingüísticu, Man.co.si, al traviés del so serviciu de normalización llingüística, va entamar esti añu la campaña de promoción del asturianu na primera infancia “Medrando n,asturianu”, que consiste nel repartu de una serie de materiales dedicaos a los más pequeños.

En primer llugar, a los nuevos neños que se vayan a empadronar nos conceyos qu’integren la mancomunidá va regalase-yos, hasta fin d,esistencies, “El llibru del Naciatu”, guapu cuadernu illustráu nel que se pueden dir rexistrando les evoluciones del neñu nos sos primeros años, desde,l so nacimientu hasta’l so primer añu d’escuela.

La otra parte de la campaña consiste nel repartu, - que se va llevar a cabu nel cursu que vien nes escueles de 0 a 3 años- de una carpeta que inclúi un baberu con dibuxos y vocabulariu referente a los primeros años d,infancia, un pallabreru, un mididor y una pegatina pal coche col lema “Cuidadín, que voi dientro”, inspiráu nel clásicu “Bebe a bordo”.

Esta campaña entámase en paralelo a otros servicios de normalización de los qu,integren la Rede de Normalización Llingüística nos Conceyos y ta teniendo una mui buena acoyida ente los padres nos sitios onde yá se empezó a desarrollar hasta ,l momentu.